Si Kabayan Dina Falsafah Kisunda (Dok.Salakanagara)
Ku : Richadiana Kartakusuma - _Admin Salakanagara
PAMAJIKAN SI KABAYAN: Saha ari pamajikan Si Kabayan (SK) teh? Salila
ieu urang apal, yen pamajikan SK teh Si Iteung ngaranna. Ke heula, aya
keneh, salian ti Si Iteung, pamajikan SK teh aya nu ngaranna Si Itok
jeung Si Saikem. Tilu ngaran eta katelah ngaran pamajikan SK. Naha bet
Iteung? Naha bet Itok? Naha bet Saikem?
Iteung soteh kapan tina kecap ‘hideung’, landian pikeun jalma nu
pakulitanana hideung; lestreng. Ari Itok, kapan landian oge ka jalma nu
cenah keureutanana ‘betekok’. Ari Saikem soteh lain loba mingkem tapi
justru loba cangkem; galak, da pagaweanana pasea wae jeung salakina nu
kedul.
Leuh meni garoreng kitu pamajikan SK teh. Meujeuhna bae
jeung SK mah meureun. Kaasup kana pantes, ninggang kana paribasa pariuk
nimu kekeb. His, lain ngahinakeun ieu mah, tapi napsirkeun tina kecap,
materi nu katara. Kajian tanda atuh, lah, gayana mah. Leuwih gaya deui
atuh, nya kajian semiotik disebutna.
Saestuna tina harti nu
kahiji, pakulitanana hideung lestreng jeung keureutanana betekok sarta
loba cangkem teh, ningkat kana harti nu kadua, yen hideung teh balas
kapoe lantaran getol digawe mantuan bapana, mitohana SK, di kebon; di
huma; di sawah. Tuh, kacida mulyana kapan. Sanajan misalna, motivasi
asalna teh lantaran boga salaki pangedulan, sedengkeun beuteung mah teu
cukup wareg ku gogoleran, hees, atawa kutuk gendeng.
Kacida
mulyana Si Iteung; Si Itok; Si Saikem teh batan SK nu kedul, tina sisi
etos kerja mah. Jeung deuih wanoja model pamajikan SK teh kaasup kana
istilah perempuan perkasa, mun ditilik tina sawangan feminisme mah,
sanajan ditibanan kateuadilan ku SK, lalaki.
Nya ari keuheul
sakali dua kali mah, wajar bae. Maseaan salaki nu pangedulan ge wajar
keneh. Asal ulah ngarasula. Urang oge ma’lum bae ka Si Iteung nu
nyuntrungkeun SK ka sawah dina ‘SK Ngala Tutut’ atawa manjur awak SK nu
ngagojod bae di pangkeng, atawa ceurik gegejret bari ngabalangkeun suluh
dina naskah drama ‘Tukang Asahan’ karya Wahyu Wibisana bakat ku keuheul
ka salaki nu kedul tapi pinter omong, embung ngelehan ka pamajikan.
Urang ge ma’lum ka Si
Saikem nu nepi ka ngarangsadan SK sanggeus
gor-gar bakating ku keuheul tea ka salaki nu pangedulan dina SK jadi
Dukun karya Moh. Ambri.
Sacara umum mah Si Iteung; Si Itok; Si
Saikem teh kaasup kana golongan istri nu bageur jeung toat, nyaah deuih
ka salaki. Buktina sakitu keuheul kana kalakuanana, daek we ngahuapan SK
nu api-api gering dina ‘SK Gering’. Atawa haat keneh
mikarunya-mikamelang ka SK nu asup bui jeung ngabedokeun menta
diberesanana. Tah eta pamajikan SK nu kawentar ku ngaran Si Iteung; Si
Itok; Si Saikem –sanajan ngaran pamajikan SK; Si Saikem mah, ayeuna teu
pati popiler deui.
Salian ti tilu ngaran pamajikan SK tadi, aya keneh kitu ngaran pamajikan SK nu lian?
Aya keneh. Dua deui. Malah disebutkeun yen pamajikan SK teh tujuh (7)
cenah. Ceuk saha? Ceuk dongeng SK ti wewengkon Banten. Dina dongeng ti
wewengkon Banten, aya dua ngaran pamajikan SK nu disebutkeun tina tujuh
teh, nyaeta: Camuweuk jeung Kendeng.
Eta dua ngaran, urang bere
ma’na ku kajian tanda. Camuweuk konotasina sawarna jeung ules hawuk;
abu-abu (atawa boa hideung lagedu?), kumusut, teu suranyeh pikaresepeun,
buukna ngarambueuk, jeung goreng patut. Jadi kitu pandena Si Camuweuk
teh. Ari Kendeng nyokot tina ngaran Gunung Kendeng nu kasohor di Tatar
Banten. Jadi Si Kendeng pamajikan SK teh urang gunung. Ari urang gunung,
pan tukang ka gunung; tukang gawe di kebon di huma. Jadi Si Camuweuk
jeung Si Kendeng teh sarimbagan keneh dina tangtungan mah jeung Si
Iteung; Si Itok; Si Saikem.
Lucuna, lima ngaran pamajikan SK teh (Si
Iteung; Si Itok; Si Saikem; Si Camuweuk; Si Kendeng) papalingpang jeung
ngaran indungna atawa mitoha awewe SK; Camentring, nu ngebrehkeun
cahaya, herang, bersih, gumebyar, jeung geulis. Jadi tina ngaran wungkul
geus dicitrakeun yen pamajikan SK mah teu pikaresepeun, sabalikna ti
indungna. Kaharti lamun nepi ka SK resep ka mitoha awewena teh. Malah
‘ada maen’ sagala, kitu dicaritakeun dina dongeng SK versi wewengkon
Banten mah.
Dina dongeng SK versi Banten, sadayana teks
nyaritakeun kumaha kalakuan pamajikan SK nu teu pati nyaaheun ka SK; teu
bisaeun masak (ngan ukur bisa masak dage kacang, cenah); pangedulan
dina ngurus imah; leuwih suka indit ka huma (ka pagawean) jeung bapana
(mitoha lalaki SK); polos; budak keneh; rada belegug nepi ka pagawean di
imah sapuratina ditangkes ku indungna. Ana kitu mah luang di imah
leuwih remen dieusian ku indungna jeung ku SK nu pangedulan, nepi ka
kaharti aya hubungan husus antara eta dua jalma ge.
Pikeun
kaperluan atikan moral jeung citra positif SK sangkan ditarima ku
masarakat rea, kalakuan SK nu rucah jeung kurang warah dipiceun, ngaran
pamajikan SK Si Camuweuk, nu hese diucapkeunana (tilu engang), jeung Si
Kendeng (teu familiar; aneh) dikubur teu dipucunghulkeun. Kitu deui
ngaran Si Saikem nu galak loba cangkem teu loba diekspos. Sacara umum,
SK versi Priangan leuwih ditarima ku masarakat Sunda.
SK nu
dipikawanoh kiwari, SK nu cenah ‘teu nanaon ku nanaon’; SK nu boga
pamajkan nu ngaranna Si Iteung; Si Itok, nu leuwih gampang diucapkeun
jeung lucu kadengena, sarta suhud kana digawena jeung bisa ngurus rumah
tangga. Tah, suhud digawe jeung parigel ngurus rumah tangga ieu nu
ngabedakeun pamajikan SK versi Banten jeung versi Priangan teh, najan
tangtungan mah sarua kumaha prahna wanoja lembur.
Satemenna, rancage
dina gawe; tanggung jawab di kulawarga; teh kawajiban salaki jeung
pamajikan. Lain wungkul kawajiban salaki, komo kabeh ditibakeun ka
pamajikan mah, kacida salahna. Duaan paheuyeuk leungeun, eta nu utama.
MAKNA INTI KISUNDA MENAMPILKAN SOSOK KABAYAN SEBGAI TOKOH DONGENG:
Kisah Si Kabayan (SK) bukanlah sejarah rigid, tetapi ide atau konsep
yang elastis, yang mengalir mengikuti arus zaman.SK akan tetap hidup dan
aktual jika sosoknya dihidupkan sesuai situasi dan semangat zaman.
Karena itu sosoknya mengalami trasnformasi terus menerus.
Karakter SK ditentukan bukan saja oleh semangat zaman, tapi juga
pemahaman si penulis atau cara pandang dan misi penulis. SK bisa menjadi
manusia yang malasnya minta ampun, atau dia juga bisa menjadi Sk yang
sangat cerdik, yang berargumen meyakinkan, atau dia bisa menjadi SK yang
rajin bekerja dengan kesadaran tinggi.
Dongeng SK dibentuk dalam
tulisan dan berupa kumpulan cerita pendek, berupa episode-episode tokoh
SK dan kiat2nya yang 'lebih mwerupakan SILOKA KiSunda' di dalam
menghadapi berbagai persoalan hidup di lingkungannya. Dongeng cerita SK
juga mengalami pergeseran, seperti ditemukan SK naik mobil, dll.
Kendati SK itu memang DONGENG - namun tetap merupakan SIMBOL MAKNA ttg
gambaran kejadian pada zaman dahulu yang disampaikan dalam bentuk lisan
(TUTUR) dan pada perkembangan berikutnya cerita-cerita itu ditulis dan
dipublikasikan.
DONGENG SK mungkin saja cerita khayalan, namun
justru tetapi dari sanalah kita melihat bahwa khayalan dalam dongeng
bukan khayalan yang tanpa pijakan, karena DONGENG TETAP MEMILIKI dan
MENGANDUNG sumber dari mana dirinya datang.
DONGENG SI KABAYAN teh
SILOKA anu NYILOKAKEUN FALSAFAH ku cara TAPA DI NU CAANG - NYUMPUT BUNI
DINU CAANG .... istri tujuh = lapisan tujuh;
BOBOGOHAN jeung AMBU = ngahijina DIRI jeung DIRINA janten sanes NYELEWENG siga HOBBY PAMEGET UMUMna kiwari.
Tah kukituna KARUHUN URANG *rahiyang WASTUKANCANA (situs KAWALI) oge
nyilokakeun INDUNG = BATU PANYANDAAN; NU KAWASA = BATU PANYANDUNGAN.
sanes panyandungan hartosna NYANDUNG seu2r ISTRI ,,,, tapi NYANDUNG =
SEWA KA DARMA (nyaluyukeun diri ka na HUKUM ALAM = hukum nu KAWASA).
poma ulah lepat hartos ....
Ana pon kitu di situs KAWALI teh Batu
PANYANDAAN digurat tulisan SANGHIYANG LINGGA BINGBA (NU NGAWUJUD) nyaeta
INDUNG - boh INDUNG SORANGAN boh INDUNG anu disebat BUANA PANGANJREKAN
URANG ...
Teras BATU PANYANDUNGAN digurat tulisan SANGHIYANG LINGGA
HIYANG ieu teh SILOKA keneh ngahijina urang jeung ALAM oge nu GADUH ALAM
= numawi apan GAIB (HIYANG)
Jadi sosok Si KABAYAN teh gambaran
LUHUNG LINUHUNG .... pencapaian makna ajaran KISUNDA ... menuju alam
pageto karena dalam ajaran SUNDA pencapaian terakhir bukan SAWARGA (eta
mah HANDAP KENEH) tapi NIRWANA - JATINISTEMEN... karena itu SK merupakan
SIMBOL AGUNG tentang SOSOK MANUSIA PADA TATARAN 'ANU GEUS TEU KUNANAON
KU NAON2..."
Cag
AMBU
